[A:102a]rlabs sogs khyad med do/ /sku 'di la blta bas chog mi shes te/ bkres pa dang skom pa brjed brjed du blta ba dang / bltas te phyin 'gro ba na rgyab ston mi phod pa dang / phyi rol pa'i rten bzang yang nang pas phyag mi byed pa'i dam bca' byed/ phyi rol pas sangs rgyas kyi sku gzugs la phyag mi byed pa'i dam bcas kyang 'di la phyag byed/ lag pa lcags kyis bkyigs kyang rang grol byas nas phyag byed par 'gyur gyis zer nas rgan mo shi nas gdung sha ri ram du gyur to/ /kha cig gis sgo dbye ba sngas pas sku'i zhabs ya gcig gi mthe'u chung ma tshar 'dug ste sgo phye ma thag lha bzo ba sprul pa yin pas nam mkha' la yal/ rgan mo de de nub 'das pa'i rus pa rnams ring bsrel gyi phung por gyur te/ bram ze ma de dpal lha mo'i sprul par grags so/ /rgyu mtshan des na sangs rgyas zhal bzhugs dus rdo rje gdan gyi gtsug lag khang dang rten gsum