[A:103a] gzhan gyi klan ga med pa 'di bzhin du 'dod de/ de yang bse mgon chen po 'di ni/ nges pa'i don du rdo rje nag po chen po gur gyi mgon po nyid kyi thugs gnyis su med pa'i ye shes kyi rnam rol las gzhan du ma 'das kyang / kun rdzob gdul bya'i snang ngo tsam du 'cham mgon gyi rnam par bstan pa yin par lo rgyus kyi yi ge rnams kyi don la dpyad pas bsnyon med du grub pa de'i phyir/ des na gdul bya sems can gyi skal ba dang las snang yang bsam gyis mi khyab pas/ 'dul byed sangs rgyas kyi rnam 'phrul yang gang la gang 'dul du ston pa ni/ rgyal ba rnams kyi 'phrin las kyi mdzad pa'i chos nyid yin pas na/ de nyid kyi mtha' 'di tsam mo zhes gzung bar mi bya ba ni gnad kyi don zab mo yin pas/ de nyid la nges pa'i shes pa lhag par bskyed de/ grub mtha' blo ngo yin pas kun kyang bden/ zhes pa'i tshul dang mtshungs par shes par bya'o/ /rnam