[A:101b]rgyob la zla gsum zhag gsum la tshar ba gyis zer/ zla ba gsum dang zhag gnyis nas ma na re/ bu do nub nga 'chi bas zhag ma thim rung sgo phyes shig ngas ston pa dngos 'dra mi 'dra blta yis/ da lta nga min pa ston pa'i zhal mthong ba med pas phyis shan mi phyed do/ /zhes zer bas sgo phye ba dang sprul pa'i bzo bo mi snang bar gyur/ de nas rgan mos bltas nas phyir byung pa dang / de bzhin gshegs pa dngos 'dra 'am mi 'dra dris pas/ 'di sangs rgyas dgung lo sum cu rtsa lnga pa'i tshad dang mnyam ste shin tu legs/ 'on kyang khyad par bdun gyi dngos mi 'dra/ sangs rgyas la 'od 'dom gang yod/ spyi gtsug lta bas mi mngon/ dbu skra 'khyil par gnas/ smin mtshams mdzod spu mnga'/ gsung gis chos gsungs/ sku la na bza' gsol ba sor bzhis mi reg spyod lam rnam pa bzhis sems can gyi don mdzad pa ste sku 'di la mi snang / gzhan byin