[A:74a]rin chen grags pa la/ des kharsa pA Ni'i lho phyogs kyi ri sul gyi rnal 'byor ma chen mo ku sa li dge ba can ma zhes bya la gnang ngo / /kharsa pa Ni'i lho phyogs zer ba'i rgyu mtshan yang / dge bsnyen zhi ba'i go chas/ ri bo po ta la nas 'phags pa spyan ras gzigs kharsa pa Ni dngos su gdan drangs nas de wi ko Ta na bzhugs shing / de'i lho phyogs kyi ri sul na yod pas de skad bya ba yin no/ /de'i ri sul zhig na shing sdong chen po brus pa'i khog stong gi nang na/ 'jam pa'i rdo rje'i rnal 'byor ma chen mo skra sen rab tu ring zhing / gos gdan yang skra'i la ba byed cing / de la g.yog mo rnal 'byor ma gsum yang yod skad/ bla ma kha cig 'di yum chen bzhi'i rnam sprul yin yang gsungs/ de dag slob tshogs dang bcas pa rnams dang / gzhan yang bla ma rdo rje gdan pa bsod snyoms pa ta thA ga ta rakShi ta/ yongs su rdzogs pa'i paNDi ta chen po 'bum phrag