[A:73b]bya ba 'di'i zab chos rnams ni/ rtsod pa'i dus kyi thams cad mkhyen pa gnyis pa/ rgyal ba nyid kyis mdo rgyud du ma nas lung bstan pa/ 'phags yul gyi paN grub kun gyi gtsug gi nor bu/ stong nyid smra ba'i seng ge blo gros chen po 'phags pa klu sgrub zhabs kyis rdo rje 'chang chen po nyid la legs par nos te/ rgyud las phyung ba'i sgrub thabs bstod pa sogs mdzad nas/ klu sgrub kyi thun mong ma yin pa'i lta ba'i srung mar grags/ des grub chen ba ling ta pa dang / des 'jam pa'i rdo rjes mngon sum du sprul pa'i dkyil 'khor chen por dbang bskur zhing rjes su bzung ba'i paN grub dam pa sangs rgyas ye shes zhabs la gnang / de phyin chad 'jam pa'i rdo rje'i bka' srung du grags/ des nyid kyi slob ma mchog thob pa bzhi'i nang tshan mar me mdzad bzang po la/ des grub chen dpal bde ba'i zhabs la/ des grub chen bi ma la gupta la/ des paN chen rin chen rdo rje la/ des