[A:74b]gsum pa sogs 'phags yul gyi paN grub dbang po du ma zhig gis zhing skyong chen po tsa turmu kha 'khor dang bcas pa 'di rnams chos skyong du bsten cing / man ngag gi chos skor rnams kyang snod ldan dam tshig can rnams la spel bas rgya gar gyi phyogs kun tu zhing skyong 'di'i chos skor rnams dar rgyas su byung ba yin la/ de bzhin du u rgyan mkha' 'gro'i gling gi nor skyong dur khrod kyi bdag po'i man ngag gi chos tshul rnams kyang slob dpon padma badzra/ ra hu la/ sgeg pa'i rdo rje/ dznyA na siddhi/ dpal dam tshig rdo rje/ 'chi med blo gros bzang po/ mkhas pa bai ro tsA na sogs kyis 'phags yul du dar bar mdzad cing / dpal ldan dkar mo nyi zla dang bdud rgyal thod phreng can dam can bcu gnyis dang bcas pa'i chos skor rnams kyang / slob dpon chen po slob brgyud dang bcas pas rgya gar du 'phel rgyas su mdzad par kho bo sems so/ /bzhi pa bod kha ba can gyi