[A:73a]dpon chen po bram ze mchog sred zhabs dang / dzambu'i gling du brtul zhugs kyi spyod pa mthar phyin pa'i au Ti yan gyi slob dpon chen po padma 'byung gnas la sogs pa 'phags yul gyi paN grub phal cher nag po chen po 'di nyid srung ma'i dbang por 'dzin zhing / de dag nas brgyud pa'i gdams pa dang / de 'dzin pa'i slob brgyud bsam gyis mi khyab pa zhig byung bar snang ngo / /zhing skyong chen po gdong bzhi pa'i chos skor rnams 'phags yul du byung ba'i tshul ni/ 'dir sbas pa'i mgon po'am/ dam tshig gi mgon por grags pa gzhan rnams las ches cher gnyan zhing myur ba/ zab cing dkon pa/ dpal gsang ba 'dus pa rtsa ba'i rgyud dang / 'khor lo bde mchog gi bshad rgyud las dngos su bstan pa/ stobs 'phrog nag po chen po gdong bzhi pa zhes kyang bya/ zhing skyong drag po gzi ldan dbang phyug ces kyang