[A:54a]rten pa'i zhal bzhi pa 'khor bcas ni dbang phyug chen po 'khor bcas dang / 'jig rten las 'das pa'i zhal bzhi pa ni phyag na rdo rje yin no/ /zhes gnyan mgon chen po 'di nyid gdul bya dang 'dul byed kyi tshul gyi dbang phyug chen po dang / phyag na rdo rje'i rnam par 'phrul pa yin par gsungs la/ don de dag dang mthun par sa lo 'jam pa'i rdo rje'i gsung las kyang / byang shar ha ha rgod pa'i dur khrod du/ /zhing skyong dbang phyug chen po'i rnam 'phrul mchog /ces 'byung ba yin zhing / yang gur gyi mgon po nyid dang thugs rgyud gcig par yang bla ma dag bzhed de/ dam pa kun dga' grags kyis mdzad pa'i mnga' gsol gyi yi ge las/ nyid kyi thugs las sprul pa'i sras/ /mthu chen ldan pa zhal bzhi ni/ /zhes gsungs pas so/ /zhing skyong dur khrod kyi bdag po yab yum ni gsang ba snying gi 'khor