[A:54b]lo'i rgyud nas bstan pa yin te/ rgyud de nyid kyi gleng gzhi'i le'u las/ dpal he ru ka sku skye ba med pa'i ngang la yum rdo rje rnal 'byor ma dang gnyis su med pa sprul pa yang sprul dang bcas te dur khrod chen po'i gnas na dngos grub 'byung ba'i ting nge 'dzin la snyoms par zhugs te/ oM shrI badzra he he ru ru kaM hU~M hU~M phaTa?/ oM shrI badzra yo gi ni hU~M phaTa?/ zhes gsungs pas 'jig rten gyi dregs pa can thams cad brgyal bar gyur to/ /brgyal ba sangs pa dang 'khor de rnams kyi nang nas dpal dur khrod kyi bdag po stan las langs te/ dpal chen he ru ka la 'di skad ces gsol pa/ kye gdug pa 'dul mdzad he ru ka /bskal pa snyigs ma lnga yi dus/ /gdug pa can rnams 'khrugs pa dang / /sa bdag klu yi nad yams dar/ /ma mo mkha' 'gro 'khrugs pa'i tshe/ /mi rnams bsod nams longs spyod chung / /rang bsags dngos po spyad dbang med/ /pha dang bu bral longs spyod nyams/ /