[A:53b]nas skye 'gro thams cad kyi srog dbugs bsdud cing sha khrag la longs spyod pa'i tshe/ phyogs bcu'i rgyal ba thams cad kyis bcom ldan 'das phyag na rdo rje la/ dbang phyug chen po 'khor bcas 'dul bar gsol ba btab pa na/ bcom ldan 'das phyag na rdo rjes dbang phyug chen po 'khor bcas kyi bkod pa ji lta bar sprul nas/ dbang phyug chen po 'khor bcas kyi lus kyi cha byad thams cad 'phrogs te rang gi sku dang rgyan du byas/ khong rnams kyi srog sngags kyi thog mar oM dang / mthar hU~M phaTa? sbyar bas byin gyis brlabs te rang gi sngags su byas/ dbang phyug gi chung ma rnams 'phrogs te rang gi phyag rgya mar byas/ de'i nang nas g.yung mo ni lha mo u ma yin no/ /gnas thams cad 'phrogs nas rang gi gnas su byas/ khong rnams de ltar tshar bcad nas rang gi bran du byas so/ /des na nges pa'i don du gdul bya dang 'dul byed ngo bo gcig kyang / gzhan gyi snang ngo tsam du 'jig