[B:26a]dus/ mkhas btsun nam legs pa dang / nam mkha' rgyal mtshan pa gnyis 'khrungs/ gcen skyes stobs kyi thugs rab che/ chos skyong la nus pa thon/ ku sha la go dan rgyal pos gu shrI'i mtshan dang / shel dam gnang / gdan sa lo dgu mdzad/ so dgu pa la gzhi thog tu gshegs/ gcung gis rgyal po de'i bla mchod mdzad/ dgung lo nyi shu pa la pho brang dang nye bar gshegs/ de gnyis kyi bar du sras gcig gzhon nu la gshegs so/ /ma gcig red mda' ma la sras lcam sring gsum 'khrungs pa'i sras che ba gzhon nu nas gshegs/ de 'og slob dpon ma kun dga' 'bum/ chung ba kun dga' legs/ 'di yab zhe bdun pa sa pho spre'u la 'khrungs rgyal po tho gan the mur gyis pA len dbang gi las kha gser dam/ bod chol kha gsum la shes su bcug pa'i lung dbang bsod nams bzang po'i jo mo la gnang ba'i dpon mo bud dha gan dang bcas pa gnang / phrin las rgyas pa'i ngang nas dgung lo nyer dgu pa sa pho byi ba la srad kyi sa cha tshags tshigs bya bar sku gshegs/ ma
[A:55]gcig zhal lu ma gzhon nu 'bum la sras bzhi 'khrungs pa'i che ba/ gu shrI kun dga' nyi ma ni/ yab zhe brgyad pa sa mo bya la 'khrungs/ gzhon nu nas yon tan thams cad rdzogs/ tishri kun blo ba dang mnyam du gong la byon| g.ying khyung rgyal po'i bla mchod mdzad?mdzod de/ gzhon nu dgung lo bcu bzhi pa chu pho khyi la pho brang du gshegs so/ /gcung 'jam dbyangs don yod rgyal mtshan pa yab zhe dgu pa lcags pho khyi la 'khrungs/ 'jam dbyangs dngos su grags| ba~Mka' chen drug la thugs bshad mdzad/ mkhas btsun pa gdan sar bzhugs kyang tshogs chos 'dis