[B:25b] yab khams su gshegs/ sras rgya yul du gshegs nas de las gdung brgyud mched pa med do/ /mang mkhar ma ngang mor grags pa de la sras tishri kun blo ni yab dgung lo so brgyad pa sa mo phag la 'khrungs/ rnam thar thams cad 'phags pa rin po che dang mtshungs par grags/ gong du byon/ hor ge gan rgyal po'i ti shri mdzad/ bstan pa'i bdag por gyur/ yab kyi gshegs rdzongs rten bzhengs/ 'phags pa rin po che'i gdan sa che ba sa skya/ shing kun/ me tog ra ba gsum/ bar pa chu mig mdo khams na gtso mdo/ bsam 'grub/ ri 'bur/ gnya' gong / rgya yul byang ngos na ling chu rtsir khab ste drug gzhan yang chos sde du ma'i zhal bdag sko bzhag sku mched rnams la sa cha dang bla brang dam kha la sogs pa so sor sbyar te| yab kyi tshab mdzad nas phrin las phul du byung ba'i ngang las dgung lo nyer dgu pa me mo yos la me tog ra bar gshegs so/ /'di la ni gdung sras med do/ /ma gcig nam mkha' rgyal mo la/ /yab zhe bdun pa dang zhe dgu pa'i dus tishri kun
[A:54]dga' legs 'byung ba dang / kun rgyal ba gnyis 'khrungs/ snga mas rgyal po 'ja yan gyi tishri mdzad/ bstan pa'i bdag por gyur/ dgung lo nyer gsum pa rta lo la dang / phyi mas rgyal po de dang / rin chen dang / tho gan thi mur gsum gyi tishri mdzad| phrin las rgyas pa'i ngang nas lnga bcu pa phag la ste/ de gnyis kyang me tog ra bar gshegs shing / snga ma la yang brgyud pa ma mched do/ /ma cig nam mkha' rgyal mo la sras gcig byung yang chung ngu nas gshegs/ yab zhe bzhi pa dang nga gcig