[B:26b]gsung / dgung lo so bzhi pa shing pho spre'u la rin chen sgang du gshegs/ spur bzhu ba'i du gseb tu 'jam dbyangs smra seng gi rnam par nam mkha' la gshegs par las dag pa 'ga' zhig gis mthong ngo / /de'i gcung bla ma dam pa bsod nams rgyal mtshan pa ni/ yab nga gcig pa sa pho byi ba la 'khrungs/ rnam thar rgyas pa du ma las 'byung ba ltar gcen dang / dpang lo chen po dang | rgyal sras rin po che dang / byang sems chen po bsod grags pa dang / bla ma dpal ldan seng ge la sogs pa mkhas grub kyi bla ma dang / na bza' phrag phug pa dang sron pa chos dpal la sogs pa grub thob ku sa la'i bla ma mang du bsten| shin tu mkhas par sbyangs/ dus phyis kyang bu ston thams cad mkhyen pa'i drung du mdo sngags thams cad skyar nas gsan zhing sbyangs pas/ rig gnas phyi nang mdo rgyud mtha' dag la ma gsan pa'am/ mi mkhyen pa cung zad kyang med
[A:56]cing | de yang re re la 'di kho na mkhas par 'dug snyam pa lta bu'i mkhyen rab yongs su rdzogs/ rigs rus 'gran zla dang bral/ dpal 'byor chab srid kyang sa skya pa mnyams pa'i dus kyi mnga'?mangs thang yod kyang / kun spangs bya bral gyi bsam sbyor dang | bla ma thams cad kyi bran du gyur pa'i thugs 'dun dang nga rgyal bcag pa'i spyod lam gyis bkur bsti mdzad par ma zad/ 'khor 'bangs phal pa dang sprang po yan chad la brnyas bcos kyi spyod pa cung zad kyang mi mdzad par 'og nas 'gro ba chu las med snyam pa'i thugs 'dun rtag tu mnga'/ khyad par hor rgyal pos gdan 'dren des drag lan gsum du byung ba la thabs sna tshogs kyis 'bros bzur mdzad/ dwags skong sogs su dben pa bsten pa'i ngang