[B:25a]khang bla brang du bzhugs nas gdan sar shar pa rin rgyal ba bzhugs su bcug de ltar na 'dis nyer brgyad pa nas zhe lnga'i bar lo bco brgyad kyi ring la dpal ldan sa skya'i gdan sa shar pas byas pas/ da lta yang shar pa'i bla ma che 'don grub pa rnams chos khri steng du byon/
chog pa'i rgyu mtshan yang de yin/
bdag nyid chen po bgres khar nga gnyis pa la rab tu byung /mtshan a mo gha dhwa dzar gsol/ thugs dam zab mo la rtse gcig bzhugs/ lha khang chen mo'i lcags ri chen mo bzhengs pa sogs kyi phyag rjes kyang bzhag thugs bskyed bzang ba dang bla ma yi dam gyi byin brlabs zhugs shing chos skyong 'di rnams bran du 'khol bas sa skya'i chos dang zang zing gnyis ka 'di'i dus kho na dpal 'byor che bar grags pa'i ngang nas dgung lo re gsum bzhes pa shing pho byi ba la gzhi thog gzim khang du gshegs so/ /zhe lnga pa la bu yan du rgyal pos gu shrI'i lung gnang ba nas gshegs gshegs kyi bar gdan sa mdzad do/ /bla ma des rgyal po'i lung ltar gdung brgyud spel ba'i phyir du btsun mo drug khab tu bzhes pa
[A:53] ni/ rgyal pos gnang ba'i hor mo/ dpon chen ag glen gyi jo mo phul ba'i mang mkhar ma kun dga' 'bum/ gzhan yang kun dga' nam mkha'i rgyan/ nam mkha' rgyal mo/ red mda' ma nyi ma rin chen/ zhal lu ma gzhon nu 'bum rnams so/ /dang po la sras bsod nams bzang po/ 'dis sku gzhon dus byang ngos su gu'i gung mdzad/ de rting rgyal po yu pa rtas pA len dbang gi mtshan dang lcam mo gnang / sras ratna shrI bya ba yang 'khrungs te/