[B:19a]gzi 'od 'bar ba bzhengs pa sogs sku gsung thugs kyi rten dang / gtsug lag khang dang dge 'dun gyi sde gsar du 'dzugs pa dang / rnying pa gso ba dang / chos sde mang po'i zhal bdag mdzad de/ gdan sa chen po dpal ldan sa skya dang / byang phyogs ling chu rtser khab/ bar pa/ bsam yas/ nyang stod skyang thur/ sha pa sreg shing / chung ba khams gtsang dbus gsum na shin tu mang ba'i bdag nyer mdzad nas spyir
rig [A:40]gnas mtha' dag dang
mdo sngags/ khyad par rnam 'grel 'dul mngon phar phyin dbu sems dang bde kye gsang gsum yo ga bya spyod sogs mdo sngags zung 'brel
rtag gnyis kyi bshad srol ding sang gi bar du yod pa ni bdag nyid chen po 'di kho na'i 'phrin las kyi rgyun no/ /khyad par rgyas pa'i bstan bcos tshad ma rnam 'grel gyi grwa sa/ byang ngam rings/ dbus rtse thang na landra/ sku tshal gong zin/ gser mdog can/ thub bstan gong / gnyan bya gshongs sogs dang / de dag las mched pa dpal ldan sa skya'i thub bstan rin chen sogs chos grwa mang po
la sogs pa shin tu dar rgyas su gyur/ hor yul la 'byon pa'i tshe sa skyar mtshan nyid kyi tshogs dpon 'u yug rig seng / sngags kyi tshogs dpon zhang btsun mdo sde dpal/ spyi dpon nye gnas su dge bshes shAkya bzang po bkos nas byon rjes rigs chen pa rang la cha brgyad cu byung par grags pa lta bu bstan pa'i rgyun la phan pa'i phrin las ni bla ma 'di kho na che'o/ /rtsod dus gdul bya nyams dma' ba'i skabs su phrin las rnam dag gi rgyun tshugs pa rnam thar gyi gtso bo yin gyi/ nyid kyis lha dang bla ma mang po gzigs pa sogs ni byis pa mtshar bskyed du zad do//de ltar dgung lo so drug pa nas/ bdun cu'i bar so lnga gdan sa mdzad nas/ lcags mo phag gi smal po zla ba'i tshes bcu bzhi la rjod kyis mi lang pa'i ltas du ma dang bcas te/ byang phyogs sprul pa sde'i gzim khang du bde bar gshegs so/ /gcung zangs tsha bsod rgyal ni/ yab mes kyi chos la sbyangs/ kye