[B:18b]mjal ma thag tu nga rgyal zhi bar gyur/ khyad par mu stegs kyi ston pa shin tu mkhas shing nga rgyal gyis dregs pa 'phrog byed dga' bo la sogs pa drug gis/ rigs gter bod skad las rgya skad du bsgyur te rdo rje gdan du phebs pa'i mchod brjod kyi tshig la ma bzod pas rkyen byas nas rtsod du yong bas/ chos rje nyid kyi
paN chen shAkya shrI dus tshes bsgrigs/ mnga' bdag rgyal pos dpang mdzad/ gang rgyal ba'i bstan pa la 'jug par byas te/
skyid grong du byon nas dri ma med pa'i rigs pas pham par mdzad de/ bstan pa'i sgor bcug pas 'phags pa'i yul na'ang 'jam dbyangs dngos su grags so/ /de dag ni mkhyen pa'i yon tan yin la/ brtse ba'i thugs rje ni/ hor gyi rgyal pos bod kyi ngo lta ma 'jags pa'i skabs
[A:39]su dmag dpung mang po brdzangs te mthong tshad sod cig thos tshad 'dar bar 'gyur ro zhes pa'i lung bud pa rim gyis lag len la bkal ba'i gtam thos pas/ bod 'bangs thams cad sems khong du chud pa'i skabs su| thugs rje chen po 'khrungs te/ dkon mchog la gsol ba btab pas/ dgung lo bgres po re gcig tu phebs pa na hor gyi rgyal pos gdan 'dren byung pa na/ bod 'bangs thugs kyi dkyil du bcug pa'i brtse ba chen po dang / rje btsun chen po'i lung bstan yod pa bka' bzhin bsgrub pa'i mos gus chen pos kun nas bslangs te/ sku srog yal bar dor ba lta bu'i sku nyen dang dka' spyad khyad du bsad nas/ re gsum pa la btegs nas lo gsum gyi bar la lam gyi gdul bya'i don mdzad| hor gyi yul byang phyogs rgyal po'i sar byon te/bod 'bangs bde ba la bkod skad rigs mi gcig pa'i rgyal khams du ma sangs rgyas kyi bstan pas khyab cing 'phral phugs kyi phan bde la bkod do/ phrin las ni/ gtso bor ji skad bshad pa de dag dang / rje btsun chen po'i nang rten du 'jam dbyangs