[B:19b]rdor dang phur pa la mnga' brnyes/ zhang po bod kyi gyad pa zangs dkar lcog re'i brgyud yin pas lus rtsal shin tu che ba'i zhang
[A:41]rigs su 'khrungs nas/ sku rtsal shin tu che ba'i grags pa byung bas/ lus rtsal gyis nga rgyal ba mang pos 'gran du yongs pa rnams kyis 'gran ma bzod pa'i gtam rgyud yod/ gzhi thog bla brang dang / phyag mdas 'khor tshad kyi lcags ri btab/ chos dang zang zing gi dpal 'byor rgyas pa'i ngang nas/ dgung lo nga drug pa sa mo phag gi rgyal zla'i nyi shu gnyis la dag pa'i snang ba du ma dang bcas shing / bla ma 'di 'jam dbyangs dngos yin pas khyed rnams kyang mos gus de bzhin du gyis/ nga yang mos gus rtse gcig 'di'i ngang nas lho phyogs kyi rgyud du lam zab mo sgom zhing / gzhan la yang dbang bskur re tsam byed pa'i rnal 'byor pa gcig tu skye gsungs nas/ la stod ldog gi dpag ri zhes bya bar sku gshegs so/ /bla ma 'di la sras bzhi/ sras mo bzhi ste lcam sring brgyad 'khrungs pa'i yongs su grags pa ni/ 'phags pa rin po che dang / phyag na rdo rje/ sras gnyis pa ni rin chen rgyal mtshan dang / ye shes 'byung gnas so/ /snga ma gnyis ni| ma gcig ldog stod ma kun dga' skyid la yab dgung lo nga gnyis pa shing mo lug gi zla ba gsum pa'i tshes drug la dang / nga drug pa sa mo phag la 'khrungs pa'o/ 'phags pa blo gros rgyal mtshan dpal bzang po ni/ bstan pa snga dar gyi lo tstsha ba chen po ka ba dpal rtsegs kyi sku skyer slob dpon chen po padma 'byung gnas kyis lung bstan gsal po yod cing / spyan ras gzigs dang gsung gleng rtag tu mdzad pa'i sa ston ri par grags pa cig gi sku skye de ma thag par zhal gyis bzhes/ de'i grwa