[B:18a]du byas nas chos mtha' dag 'dus pa thub pa dgongs gsal la sogs te/ mdor na mdo sngags lung rigs thams cad kyi don tshig nyung ngus 'dus pa mkhas pa'i yid 'phrog cing / blun pos go sla ba'i brtsams chos mang pos dngos dang brgyud pa'i gdul bya thams cad mkhas pa'i go 'phang la myur du 'god par mdzad/ rtsod pa ni/ spyir sde bdun mdo dang bcas pa'i dngos stobs kyi rigs pa mtha' dag legs par thugs su chud pas bod rgan po'i rtog ge mtha' dag rang blos sbyar ba'i skyon can du gzigs pas/ bod snga ma'i grub mtha' la dgag pa legs par mdzad pa rnams kun gyis mi bzod/ khyad par de dus kyi 'chad nyan dmar shos dmyal zhig 'jam pa'i rdo rje dpon slob yin pas shin tu ma bzod nas bu dgu'i
[A:38]rigs pa bzang shos 'u yug pa rigs pa'i seng ge yin pa/ chos rje la rtsod du btang nas/ chos rar zhag shas bsdad nas 'gal du bsgugs pas ma rnyed cing / rtsod par cung zad kyang ma nus kyi steng nas mi phyed pa'i dad pa thob ste zhabs pad yun ring du bsten pas bu chen du gyur pa lta bu dang / gtsang nag phug pas 'jam dbyangs dang zhal mjal 'phro la/ chos rje la skur pa btab pas yun ring du ma mjal/ gsol ba drag tu btab pas khyod kyis nga la 'thabs pa yin gsungs nas/ dang por mjal nas rtsod pa byed 'dod pa/ de nas dad pa lhag par tshud de gdan drangs zla sbrel du chos zhus/ sku 'dra thugs kha na drod yod par grags pa sgu rum na bzhugs pa 'di legs par bzhengs nas/ phyag nas zhus te rtse gcig tu gsol ba 'debs pa lta bu dang /
mkhas pa su zhig yin kyang /
sku mdun