[B:17b]gyis gtso bor 'di 'dzin to/ /de ltar tshangs par spyod pa mtha' dag gi gtso bo dge slong gi sdom pa bzhes te/ so thar yongs su rdzogs pa'i steng du byang sems dang gsang sngags te sdom gsum rdzogs pa'i tshul khrims kyi phung po 'chal tshul gyi dri ma mtha' dag dang bral bas 'dzam gling byang gi phyogs na tshul khrims bsrung ba mtha' dag gi mchog tu gyur to/ /de ltar rang gi mkhyen pa yongs su rdzogs nas gzhan la ston pa ni/ mkhas pa'i bya ba 'chad rtsod rtsom gsum gyi sgo nas yin pas/ 'chad pa na/ rnam bshad rigs pa sogs nas ji ltar 'byung ba'i tshul gyi yon tan mtha' dag rdzogs nas gsung rab gang 'chad kyang / gang nas bshad kyang 'brel/ ji tsam bshad kyang ran| ji ltar bshad kyang 'thad pa'i tshul gyis rna bar snyan cing 'jebs pa dang / yid la 'thad cing 'phrod/ tshig gzung sla zhing don rtogs par yang sla bas dngos kyi gdul bya thams cad mkhas pa'i go 'phang la myur du bkod de/ bshad pa'i
[A:37]bka' babs pa 'u yug rigs pa'i seng ge dang / zhang btsun mdo sde dpal dang / shar pa sher 'byung sogs te/ mdor na khang gnyen zhang gsum/ shar nub gur gsum la sogs pa dang / man ngag gi bka' babs pa dmar ston chos kyi rgyal po dang / lho pa kun mkhyen dpal la sogs pa dang / rtogs pa'i bka' babs pa tshogs sgom/ nyan chen/ grub thob yon tan dpal la sogs te/ mdor na mkhas grub kyi bu chen bgrang ba las 'das pa bshad sgrub la bkod do/ rtsom pa ni/ sgra dang snyan ngag dang ming gi mngon brjod la sogs pa'i bstan bcos du ma dang / rigs pa'i phyogs la sde bdun mdo dang bcas pa'i don rdzogs par ston pa rig gter rtsa 'grel/ lung gi phyogs la mdo sde rgyan gyi don 'grel