[B:17a]par thugs nas bshad pas kun ya mtshan du 'dzin par gyur/ de nas khro phur kha che paN chen phebs pa'i drung du byon/ chos mchog rgya skad du gsungs pa la bde dpe bkrams nas gsan cing rgya skad du sbyar bas/ paN chen shin tu dgyes nas
khong dpon slob rnams kyis paNDi ta chen por mtshan gsol te
rjes su bzung / tshad ma sde bdun mdo dang bcas pa dang / rgyan chos mchog lha shAka la sogs pa'i 'grel pa la 'grel bshad/ de bzhin du mngon pa 'dul ba sngags kyi bde mchog gsang 'dus/ khyad par dus 'khor cha lag sems 'grel gsum la sogs pa gsan/ paN chung dA na shi la la yang gtso bor tshad ma rnam 'grel/ gshin rje gshed skor la sogs pa gsan/ bal po saM gha shrI la sgra ka tsan/ snyan ngag sdeb sbyor/ mngon brjod med zlos?mdosgar la sogs gsan/ spyi lhas pa byang chub 'od dang / rtsis pa dbang phyug seng ge la yang byams chos dbu ma/ bslab spyod la sogs pa dang / khyad par spyi lhas pa la man ngag zhi byed rdzogs
[A:36]chen| rim lnga/ nA ro ni gu la sogs pa bod na yod tshad gsan te/ lan re zung re tsam gyis rdzogs par thugs su chud do/ /dgung lo nyer bdun pa la paN chen gyis mkhan po/ spyi lhas pas las slob/ zhu ston rdo rje skyabs kyis gsang ston byas nas dge 'dun grangs dang mtshan nyid tshang pa'i dbus su nyang smad rgyan gong gi gtsug lag khang du rab byung bsnyen rdzogs mdzad/ 'khon sa skya pa'i gdung rgyud kyi nang na ngur smrig gi rgyan 'chang ba'i gtsug rgyan thog ma mdzad de/ gangs can pa thams cad rab tu byung ba la ches gtso bor gus par bya ba'i rgyun