[B:15a]gsol/ mdor na bla chen yab sras rje btsun rin po che/ gnyan gtsug tor rgyal po/ gnyan dbang rgyal/ zhang btsun tshul grags/ bal po'i paNDi ta dza ya se na/ lo tsA ba dar ma yon tan/ sum pa lo tsA ba dang dpal mchog dang po'i rdo rje la sogs pa la/ rgya gar nas 'gyur ba'i mdo bstan bcos/ rgyud man ngag mtha' yas pa gcig gsan cing legs par sbyangs/ ma gsan pa 'ga' re yang
[A:31]gzigs rtog legs par mdzad de/ nga thos rgya can min kyang mthong rgya can yin/ ngas dge slong gcig 'grub tu re nas 'dul ba lung 'di yun ring por blta ba ma grub/ dge slong mi grub par shes nas legs par bltas zhes gsungs/ mdor na ma gzigs pa 'am mi mkhyen pa'i chos cung zad kyang med pas/ thos pas mi ngoms nyid dang ni/ /zhes pa'i sa gsum pa'i yong sbyong rdzogs par mdzad do/ /gtong ba phun sum tshogs pa ni/ dge 'dun mang du bsags pa'i chos 'khor lan gsum mdzad/ rgyun lngan du dge 'dun brgya phrag tsam gyi 'tsho ba sbyor/ dbu rtse rnying mar grags pa'i gtsug lag khang / yab kyi nang rten bkra shis sgo mangs/ mes kyi nang rten gser 'bur chen mo/ gcen dang gcung gi nang rten gser sku chen mo re re/ de dag gi drung du dkar me mtshan thub brgya rtsa 'chag med kyi rgyun/ gzhan yang chen po la 'os pa'i bla re yol ba/ 'phan gdugs rgyal mtshan/ dril bu'i sdang rings/ gser gyi mdo mangs dang rgyud 'bur la sogs pa'i bka' 'gyur phal cher gsar du bzhengs/ gzhan gyis phul ba'i 'bum cha sum brgya tsam byung ba'i steng nas brgya phrag gcig gtsug lag khang der bzhugs