[B:14b]gi 'du shes khor yug tu mdzad nas zhal bzhugs pa'i ring la'ang bka' gang gnang sgrub pa'i sgo nas legs par mnyes par byed/ sku'i rgyab mi ston/ ku re'i phyir yang bka' mi zlog mi mnyes pa cung zad kyang mi sgrub/ zhi bar gshegs nas kyang gsol ba rgyun mi 'chad du 'debs pas sku'i snang ba dang mi 'bral/ gsung rab la the tshom gang byung thams cad maNDal phul nas bla ma yab sras kho na la gsol ba 'debs/ mdor na dge legs thams cad kyi rtsa ba bshes gnyen bsten tshul la bod du 'di las
[A:30]lhag pa ma byung bar grags so/ /tshul khrims phun sum tshogs pa ni/ dgung lo brgyad pa la byang sems zla rgyal gyi drung du tshangs spyod dge bsnyen gyi sdom pa legs par nod de/ rten skya bor bzhugs pa tsam ma gtogs/ sha chang sgong gsum zhal la mi reg dge slong khyad par can gyi thugs nyams dang mi 'bral/ sku 'khor gyi gtso bo yang rab byung la mdzad/ khyed rnams kyis gso sbyong ma chag pa gyis ja ngas 'dren gsungs nas rab byung 'ba' zhig la dgyes/ mdor na sdom gsum legs par nod nas nyes ltung phra mos kyang ma gos par mdzad do/ /thos pa phun sum tshogs pa ni/ gzhon nu nyid nas klog dang yig rtsis sogs tshegs chung ngus mkhyen cing / yab dang gcen la dbang bshad man ngag ma lus par gsan/ khyad par dgung lo bcu gnyis pa la sdom pa nyi shu pa dang / sgrub thabs mtsho skyes thugs las gsungs/ bcu gsum pa la rgyud gsum gyi po ti zhal du gsol ba'i mnal lam byung ba bzhin du tshig don mtha' dag thugs la chud de/ yab gshegs pa'i chos 'khor la tshogs su gsungs pas thams cad ngo mtshar du gyur te/ blo gros chen por mtshan