[B:15b]su gsol nas/ nyis brgya dge 'dun gyi sde so sor bstan pa'i rgyun la phul| mdor na chos dang zang zing gi dpal 'byor gang la'ang 'dzin chags cung zad kyang mi 'dzin par sbyin gtong kho na la dgyes pa 'dra ba/ sku gshegs khar na bza' phrugs gcig las ma lus par grags so/ /khyad par chos kyi spyin pa la mchog
[A:32]tu dgyes pas gang zhus de ma thag thugs nas gsung ba ma gtogs/ phyis bya gsung ba mi srid/ dus nam yang 'chad rtsod rtsom gsum kho nas dus?'dus 'da' bar mdzad do/ /shes rab phun sum tshogs pa ni/ gang gzigs pa thams cad kyi tshig don la chags thogs cung zad kyang mi mnga' bar so sor rtogs pa'i shes rab kyis legs par dpyad nas ma rtogs log rtog dang the tshom gyi dri ma cung zad kyang med par thugs su chud pas/ chos rje pas/ shes bya thams cad gzigs pa'i spyan yangs pa| /zhes bstod pa mdzad cing 'jam dbyangs dngos su gzigs so/ /de ltar rang gi mkhyen cing gzigs pa thams cad gcung dang chos rje pa dang / dga' ston bdud rtsi grags sogs grags pa'i mtha' can rnams/ pho rog pa chen po la sogs pa dngos kyi gdul bya rnams la nyin mtshan kun tu zab pa dang rgya che ba'i chos 'khor bskor zhing / dngos brgyud mtha' dag gi ched du legs bshad mtha' yas pa brtsams te/ yab sras khu dbon gyi nang na 'di nyid kyi brtsams chos mang bar bzhugs so| /mdor na bla ma'i mos gus thugs dam thos bsam/ gzhan phan lhag bsam rnams nyin par shugs shin tu che bas mtshan mo mnal lam du yang mtshan brjod la sogs pa'i zhal 'don thugs dam mang po dang / gzigs rtog dang rtog dpyod mtha' yas pa 'byung zhing / sa chen gyis thugs kha nas bla ma 'khor bcas kye rdor gyi dkyil 'khor ston pa shAka thub 'khor bcas