[B:13b]bya'i don du brtsams chos kyang rgyud gsum/ bde mchog rtog bdun la sogs pa'i rgyud kyi TI ka nag po gzhung drug la sogs pa'i rgya gzhung gi bshad pa/ spyir zab chos mang po/ sgos chos skyong gi sgrub skor/ yang sgos lam 'bras kyi
zan bzhi rnam 'grel
'khrid yig kyang bcu gcig tsam mdzad de/ thams cad kyang tshig 'dus shing gsal ba/ don rgyas shing zab pa mkhas pa kun gyi yid 'phrog par mdzad pas snyan pa'i grags pa yang / ding sang bod na dpal ldan birWa pa'i sprul pa zhig gis bstan pa rin po che la bya ba khyad par can byed do zhes rgya gar shar nub tshun chad du grags so/ /phyag rdzas kyang 'di che ste/ chos skyong che chung gnyis ka 'dis rnyed pa'i phyir/ mal gyis/ rdo rje gdan gyi shar phyogs sgo bsrung ba'i
[A:28]gur mgon gyi bse 'bag 'phur shes sogs gnang / phyi la legs par brdzangs/ gnam kha'u pas zhal bzhi pa legs par gnang ba'i phyir ro/ /de lta bu'i bla ma des dgung lo nyi shu pa nas re bdun gyi bar zhe bdun gdan sa mdzad nas/ sa pho stag gi lo dbyug gu'i bcu bzhi la
skya'o kha gdang
/g.yung mo mkhar du ngo mtshar ba'i ltas dpag med dang bcas te zhi bar gshegs so/ bla ma 'dis btsun mo gnyis bzhes pa'i jo mo lcam phur mo la sras gcig 'khrungs pa dkon mchog 'bar zhes pas rgya gar du slob gnyer la byon/ legs par mkhyen pas phyir 'byon khar rdo rje gdan du gshegs so/ /tsha mo rong pa ma gcig 'od sgron bya ba la sras gsum 'khrungs pa ni/ slob dpon bsod rtse/ rje btsun grags rgyal/ dpal chen 'od po ste| rim pa bzhin yab dgung lo nga gcig nga drug nga dgu pa ste/ chu pho khyi/ chu mo yos/ lcags pho rta rnams la 'khrungs/ gcen ni