[B:13a]mtha' 'dzin par khas che zhing / nga rgyal byas nas lta ba rang rgyud pa byed pa dag ni lugs dang mi mthun no/ /nang na rtogs pa khyad par can mnga' ba ltar/ phyi rol du grub pa'i rtags bstan pa yang / gzhan don mdzad dus nyin gcig la sku lus drug sprul te/ sa skya/ mnga' ris mchar kha/ zangs gdong ru khrod rnams su gdul bya mang po la lam 'bras gsung ba gsum/ gung thang du bla ma mal gyi drung du dril bu chos skor gsan pa/ shab sgo lngar chos 'khor bskor ba/ 'bring mtshams 'bren lha lcam gyi lha khang la rab gnas mdzad pa rnams dus tshod tshes grangs gcig la mdzad/ sku gshegs dus kyang sku'i bkod pa bzhi bstan te/ bde ba can/ gcig po ta la/ gcig u rgyan/ gcig gser mdog can du gshegs/ pur bzhu dus kun gyis kye rdor zhal bzhi par mthong / la las brgyad par mthong ba yang bstan pa sogs grub rtags bsam
[A:27]gyis mi khyab bo/ /gzhan don la sku dngos kyi gdul bya/ bla ma dge chu ba la dbang gsan pa'i sta gon gyi mnal lam dang mthun par/ zhang ston mnga' brnyes chos 'bar gyis gsung ngag mtha' dag rdzogs pa'i mjug tu lung bstan mdzad pa bzhin/ lus ma spangs par phyag rgya chen po mchog gi dngos grub thob pa gsum/ bzod pa thob pa bdun/ rtogs pa dang ldan pa brgya phrag mkhas shing grub pa thob pa mtha' yas pa byung ste/ gsum ni sing gha la'i a tsa ra| byang chub sems dpa' stag sgom pa kyi 'bar ro/ /bdun ni rje btsun pa/ zhu yas/ shing dga' ston rdo rje grags/ nags sgo bsod rgyal/ mtshar kha'i rnal 'byor pa/ sgom pa 'od zer grags/ a ce mang chung ma rnams so/ /phyi rabs kyi gdul