[B:12b]dge bsnyen gyi skyabs 'gro'i bslab bya lhan pa ser po la yang mi 'gom/ btsun chung rnams rdo sgor rgyag sar byon nas/ tshe dang ldan pa bla gos gcig bzhes cig dge bsnyen rgad po gcig 'tshal ba yin no gsung zhing legs par gus pa'i phyag mdzad/ gzhan de lta bu'i mdzad pa bstan pa'i mnga' bdag bstan 'dzin kun gyi bla mar gyur pa sus kyang tshul de lta bu rmi lam du'ang bsgrub par mi nus so/ /de bzhin du byang sems dang / gsang sngags kyi sdom pa 'khor dang bcas pa la nyes ltung phra mos kyang ma gos pa'i blang dor shin tu bya dka' ba mdzad pas tshul khrims kyi bslab pa rdzogs so/ /lhag pa ting nge 'dzin la/ spyir mnyam rjes kun tu zhi gnas khyad par can gyi nyams dang mi 'bral/ khyad par rim gnyis kyi rnal 'byor mthar son/ yi dam dang bla ma zhi bar gshegs pa kun mnal lam dang mngon sum ci rigs par byon nas chos gsung / the tshom gcod/ yang dgos rnal 'byor dbang phyug birWa pas rgyud sde bdun cu rtsa gnyis la sogs rgyud lung man ngag
[A:26]mtha' yas pa dngos su 'doms par mdzad/ lhag pa shes rab ni/ gsung rab mtha' dag gi tshig dang don la chags thogs cung zad kyang mi mnga' zhing / ma rtogs pa dang log par rtog pa dang the tshom mtha' dag myur du gcod nus pa'i yang dag pa'i nges pa brtan po dang ldan zhing / chos gsung ba thams cad kyang thugs nas gsung / ji lta ji snyed la gzigs pa rnam par dag khyad par slob dpon zla ba grags pa'i lugs kyi dbu ma chen po'i lta ba khyad par can mnga' bar brtsams chos las shes shing / dbon sras 'jam dbyangs kyi rnam 'phrul/ chos rje bla ma dam pa'i bar du de ltar snang bas ding sang sa skya pa'i grub