[B:12a]gsum byin rlabs can mtha' yas pa bzhugs pas byin rlabs shin tu che bar grags pa 'di/ bla ma ba ri lo tsA bas gtso bor bdag rkyen mdzad nas bsgrubs te/ sa skya'i gdan sa lo brgyad mdzad nas/ sa chen dgung lo nyi shu'i steng du che 'don bsko bzhag mdzad de| ba ri ba nyid bar phug tu gshegs so/ /zhang ston chos 'bar la gsung ngag rin po che lam skor cha lag dang bcas pa thams cad ma lus pa gsan te/ de ltar na sa chen 'di/ dang por mdo sngags phyi nang lung rigs kyi gsung rab mtha' dag tshar re gsan pa tsam gyis mkhyen pas/ ma gsan pa'am mi mkhyen pa gang yang med par 'chi ba gzigs pas/ snying rje dang bdag pas gzhan gces pa'i lhag bsam gyis 'brum bus na ba'i nad g.yog mdzad pas lags par gsos nas rang nyid la 'gos te/ 'grongsgrongs la thug pa'i sdug bsngal dang du blangs shing / gzhan yang slob gnyer gyi dus na yang bdag pas gzhan gces mang du mdzad/ phyis gzhan don gyi tshe ni shin tu mang bar mdzod/ sbyor ba la bslab pa gsum las tshul khrims kyi
[A:25]bslab pa ni/ so sor thar pa'i dbang du byas na/ bla ma dge chu ba gshegs khar/ kun dga' snying po khyod rab tu byung nas 'khon tsho'i sde pa 'di skyongs shig gsung ba'i zhal chems byung ba ltar/ rab byung bsnyen rdzogs la thugs shin tu spro yang / bla ma gnam kha'u pas bla ma mnyam po la nga gson po'i kha la nyon/ khyod rab tu byung ba bas ma byung na bstan pa la phan gsung ba'i rkyen gyis rab byung mdzad dbang ma byung na'ang / dge bsnyen yongs rdzogs kyi sdom pa shin tu dag cing / tha na