[B:11b]phyogs la phyag mdzad nas 'dir 'jam dbyangs kyi sprul pa bdun 'byon par 'dug gsungs pa dang mthun/ bdun po ni/ sa chen yab sras gsum| chos rje khu dbon gnyis/ 'jam dbyangs don yod rgyal mtshan pa sku mched gnyis rnams la byed/ kha cig sa chen rang mi bgrang bar tishrI kun blo ba'ang 'dug go /'jam dbyangs grub nas gsan sbyong la mdo'i phyogs ni/ rong ngur smrig gi brang ti dar ma snying po/ de'i zur chos pa bla chen mi dig byang chad la khyung rnams las sde lnga sdom rnam gnyis la sogs pa chos mngon pa mtha' dag gsan/ nyang stod pa khyung rin chen grags/ grom pa g.yu rtse ba mes lhang tsher la tshad ma rnam nges| rigs thigs/ chos mchog che chung / dbu ma rang rgyud shar gsum la sogs pa dbu tshad ma lus pa gsan/ gnam kha'u pa la byams chos/ bslab spyod/ dkon brtsegs/ phal chen la sogs pa spyod phyogs ma lus pa gsan| sngags kyi phyogs la/ yab dang 'khon dge chung ba la/ pha chos yang phur bde dgyes rgyud gsum la sogs pa ma lus pa dang / bla ma gnam kha'u pa la gsang 'dus lugs gnyis 'grel pa cha lag dang bcas pa sogs dang / bya spyod yo
[A:24]ga'i skor ma lus pa gsan/ mal lo tsA ba la bde mchog gtso bor byas pa'i rgyud dang man ngag mtha' yas pa gsan/ ba ri lo tsA ba la yang gsang 'dus dang gshin rje gshed skor/ mahA ma ya/ sangs rgyas thod pa/ rdo rje gdan bzhi la sogs pa mtha' yas pa gsan zhing / rgya gar shar nub sogs kyi mchod rten byin rlabs can thams cad kyi sa sna bsdus nas sa skya'i rnam rgyal 'bum par grags pa bzhengs/ sangs rgyas 'od srung gi sku gdung la sogs pa sku gdung ring srel rten