[B:11a]sa bsko ba dang | phyi rten rtsig pa rnams dus mnyam na grub na/ dar rgyas phun sum tshogs pa 'byung zhes lung bstan pa bzhin du/ yum na re/ thogs gcig la gdan sa gzhan gcig ma btsal na/ jo sras kyi slob gnyer la gnod zer nas/ ba ri lo tsA ba g.yu mkhar mo na bzhugs pa gdan drangs nas gdan sar bsko ba dang / 'phrang brag dmar gnyis kyis dge 'dun bsags nas chos 'khor byed pa/ zhal chems dang mthun pa'i phyi rten bzhengs pa rnams nyin gcig la bsgrubs pas phun tshogs kyi 'gram thams cad things so/ /bla ma 'di la sku che ba'i yon tan bsam gyis mi khyab ste/ gdung brgyud thams cad kyi nang na 'di nyid mchog tu gyur par byed pas rnam thar rgyas pa gzhan du shes par bya la/ 'dir mdor bsdu na/ rang don dang gzhan don gyi yon tan no/ /dang po la lung dang rtogs pa'o/ /lung la thun mong ba ni/ gzhon nu nyid nas klog dang yig rtsis/ bzo dang gso spyad/ lugs kyi bstan bcos sogs la shin tu mkhas pas kun gyis ya mtshan du 'dzin no/ /thun mong ma yin pa ni/ ba ri lo tsA ba'i zhal nas khyed jo sras kyi bya ba slob gnyer byed dgos/ de la shes rab dgos de'i lha 'phags pa 'jam dpal yin pas 'jam dbyangs a ra pa tsa na 'di sgrubs gsungs nas rjes gnang mdzad/ 'jam dbyangs brag phub
[A:23]tu sgrub pa zla drug mdzad pas/ zhal mngon sum du gzigs nas/ 'jam dbyangs kyi thugs kha nas ral gri bdun brgyud gcig byon pa thugs khar thim/ de bla ma la zhus pas khyed kyi brgyud pa 'di la 'jam dbyangs bdun brgyud gcig 'byon par 'dug gsungs/ sngon jo bo chen pos kyang / sa skya yong pa'i yul