[A:82]pa'i tshe/ rgyan gong du lo ston rdo rje dbang phyug la bka' stsal te/ mkhan po rgya shAkya gzhon nu/ slob dpon se ye shes brtson 'grus/ gsang ston nyang rdo rje rgyal mtshan la sogs pa'i dge slong bdun/ dge tshul gnyis/ dge bsnyen gcig dang bcu spyan drangs te grom pa rgyang du dge 'dun gyi sde btsugs pa'i dus su/ rab tu byung ba phyed dang sum brgya tsam 'dus pa'i nang nas/ 'brog mi lo tsA ba shAkya ye shes/ stag lo tsA ba gzhon nu brtson 'grus/ leng ye shes gzhon nu gsum/ mkhan slob rgyal po dang bcas pas rgya gar du chos slob tu btang / bstan pa'i rtsa ba yin pas 'dul ba/ bstan pa'i snying po yin pas phar phyin/ bstan pa'i nying khu yin pas gsang sngags slobs shig ces bkas rab tu gdams pa las/ 'brog mis mkhas pa sgo drug dang / dpa' bo rdo rje las mdo rgyud kyi zab don blangs/ khyad par phyis ga ya dha ra bod du byon pa las/ gsung ngag rin po che'i bdud rtsi bzhes nas/ bstan pa spel ba'i slob ma'i gtso bo/ man ngag tshar ba gsum/ rgyud tshar ba lnga/ grub pa thob pa bdun sogs byung ba'i/ dang po lha btsun ka li/ 'grom de pa ston chung / se mkhar chung pa'o/
gnyis pa ni/ sa skya pa'i 'khon dkon mchog rgyal po/ 'phrang 'og gi dbrad dkon mchog rgyal po/ mnga' ris pa gsal ba'i snying po/ lha rtse'i khyi ljang dbu dkar ba/ shangs kyi brag we so nag pa dang lnga'o/
gsum pa ni/ sgyer sgom se'o/ gshen sgom rog pa/ dbus pa drod (grong) po che ste pho gsum dang / sham (shab) mo lcam gcig 'phyad mo nam mkha'/ srad mo ko ne/ stod mo rdo rje mtsho ste mo lnga'o (bzhi'o)/