[A:81]lo dgu bcu rtsa brgyad bzhugs/ rmang lo tsA ba dge ba'i blo gros sogs zhu chen pher ba'i slob ma lo tsA ba bcu lhag byung / bstan pa phyi dar gyi mdo sngags kyi bka' drin phal cher khong gi ngo la byung /
stod 'dul ba'i gtso bo zhang zhung rgya she'i slob ma ni/ dpal 'byor shes rab dang / tshul khrims blo gros la sogs pa yin/
dpal 'byor shes rab 'di ni/ pu rangs lo chung grags mchog sher dang / lo tsA ba gzhon nu mchog gi slob ma yin/
pu rangs lo chung 'di ni/ shrI khang dmar gyi gad logs su/ sku lus 'di nyid kyis mkha' spyod du phebs/ khong dang lo che chung du sdebs pa'i lo chen ni mar pa do pa chos kyi dbang phyug yin/
khong gi slob ma dmar chos kyi rgyal mtshan/ de'i dbon po/ thub pa shes rab/ de'i dbon po dmar chos rgyal yin/ de dag slob rgyud dang bcas pa 'khor lo bde mchog gi bstan pa la gtso bor bka' drin che'o/
lo chen rin bzang gi rjes la/ gtsang phyogs 'dir sngags kyi bstan pa spel ba la 'brog mi lo tsA ba snga ba yin te/ stod smad kyi yab mched mjal dus las lo gnyis pa/ ga ya dha ra dgung lo nyis brgya dang zhe gcig bzhes pa/ 'das lo nas sum stong brgya dang nyer lnga 'das pa'i nyer drug pa chu mo sbrul
spyi lo 993
la 'brog mi bltams/ chu sbrul de nas deng sang ni lo lnga brgya dang don gnyis pa yin la/ lo 'di phyi dar sa mo bya nas zhe lnga pa yin zhing / lo chen las nyer gsum gyis gzhon pa tsam mo/
de yang bod kyi rgyal po smad kyi lde gsum po grom pa lha rtse na bzhugs