[A:83] bla chen 'di'i bka' drin la ma rgyud kyai rdo rje'i bka' srol las/ rgyud gsum man ngag dang bcas pa'i zab don lhag par dar ro/
'di'i grub thob gsum gyi sgyer sgom dang / gshen sgom gnyis ni/ gtsang sgyer bu ba dang / rta nag pa yin pas/ 'grom de pa'i slob ma se rog gnyis dang cung mi gcig pa 'dra ste/ de pa'i slob ma se rog gnyis kyis bla chen la chos kyi bka' drin thob pas/ dngos grub cung zad re thob ces bshad kyi/ grub pa thob ces ma bshad pa'i phyir ro/
des na se rog gnyis ni dbus pa smra ra ser po can (rmangs) dang / nag po can zhes zhwa lugs 'chad pa ltar dag par sems so/
mdor na bla chen 'di/ ga ya bltams pa'i chu mo sbrul nas nyis brgya dang bzhi bcu 'das pa'i chu mo sbrul la sku bltams/ sku gzhon nu la rgya gar du byon/ nA len drar/ mkhas pa sgo drug sogs lo brgyad dang / dpa' bo rdo rje la lo bzhi dang / bal por pham mthing pa lo gcig bsten te lo bcu gsum rgya bal du gsan sbyong sogs mdzad/ phyis zhe dgu lon pa lcags mo sbrul la/ ga ya dha ra dang thog mar mjal/ gsung ngag rin po che'i bka' drin lo gsum du nod/ nga gnyis bzhes pa chu mo lug la/ ga ya rgyud gsum sogs bsgyur/ drug cu re gsum yan chad la/ gsan sbyong dang 'chad pa sogs kyis bstan pa spel nas/ de nas chos dbyings su ma gshegs bar du gtso bor slab pa mdzad/ brgyad cu rtsa lnga lon pa'i tshe/ sku lus ma spangs par 'ja' lus su dgongs bzhed pa la/ rten 'brel cung zad la brten nas bar dor mchog gi dngos grub brnyes pa ste/ de lta bu'i bla chen ma dros pa'i chu gter chen po