[A:80]dang rnam pa gnyis// sgrub pa'i brgyud pa 'di lta ste//
lha rgyal bla ma ye shes 'od//
'jam dpal sprul par rab grags pa//
de ni rtsa rgyud chen po las//
lung bstan thob pa tho ling gi//
dpe med lhun grub gtsug lag khang //
bzhengs nas rgya gar shar phyogs nas//
mkhas btsun snyan pa'i 'brug sgra can//
grags pa rgyal mtshan mthon po yis//
kun la gsal bar gyur pa yi//
dharma pA la zhes bya ba//
ye shes 'od kyis spyan drangs nas//
thugs rje nyi mas rgyud skul nas//
bstan pa rin chen gnas bya'i phyir//
mkhan po mdzad nas sgrub brgyud spel//
de yi mkhan bu'i gtso bo gsum//
dge slong sa dhu pA la dang //
jo bo gu na pA la dang //
dge slong pradznyA pA la'o//
pradznyA pA la'i mkhan bu ni//
zhang zhung yul gyi 'dul ba 'dzin//
dge slong rgyal ba'i shes rab ste//
tshul khrims g.yag gi rnga ma dang //
mig gi 'bras bu bzhin du bsrungs//
yon tan rang bzhin thams cad kyi//
rgyur gyur 'dul ba'i sde snod las//
mang du thos shing nges byas pa//
snyan pas nam mkha' sa steng khyab//
thugs rje'i sprin las chos char phab//
rab byung tha ma'i rgyud spangs nas//
bstan pa rin chen rgyas mdzad pa//
zhes sogs bshad pa ltar yin no//
des na 'dul ba smad lugs kyi bshad pa ni/ gzus rdo rje rgyal mtshan nas gtso bor dar bas lo chen gyi sku tshe'i stod nas dar la/ stod lugs ni dharma pA la'i mkhan bu pA la rnam gsum nas dar bas/ lo chen gyi sku tshe'i smad nas dar ba yin no/ zhes shes par bya'o/
de lta bu'i lo chen des mnga' bdag %lnga sde'i srog gis% (lha lde btsan gyi) slob dpon mdzad/ panDi ta'i bla ma bdun cu rtsa lnga bsten/ dgung