[A:79]sogs khungs btsun la/ smad 'dul ba rnams ni/ gzus dang bla ma rnam gsum dang rgya 'dul la sogs pas bshad pa mang dag mdzad kyang / rang bzo ma gtogs brgyud pa med pas khungs thub med do zhes zur za bar mdzad de/ zhang zhung pa rgyal she'i slob ma zhing mo che pa byang chub seng ges mdzad pa'i brgyud rim gyi yi ge las/
bslab pa gsum las tshul khrims kyi//
bslab pa ston pa 'dul ba yin//
sde snod brgyud pa gnyis yin te//
phyogs snga ma dang phyi ma'o//
dang po bod kyi brgyud pa ste//
dge slong rdo rje rgyal mtshan gyis//
slob dpon med phyir gzhung rnams la//
lta rtog byas nas bshad pa mdzad//
de la slob pa rnam pa bzhi//
dge slong tshul khrims 'byung gnas dang //
tshul khrims byang chub dbus kyi'o//
dge slong grags pa rgyal mtshan dang //
shes rab 'od ni gtsang gi'o//
dge slog tshul khrims bla ma ste//
tshul khrims 'byung gnas slob ma ni//
dge slong rin chen bla ma'o//
de gnyis slob ma che ba'i mchog//
dge bshes dbang phyug tshul khrims yin//
de yis blo yis brtag byas nas//
dgag dgos rgyu mtshan mang po byas//
tshul khrims bla mas yan lag dang //
spyi don bsdus don bam po gsum//
blo yis brtags nas yi ger bkod//
de dag slob ma che ba ni//
ye shes rgyan gyis mgo bsgre byas//
slob dpon sun dbyung blo yis rtog//
rgya gar brgyud pa med pa yin//
de ni phyogs snga 'god pa'o//
zhes smad 'dul la phyogs snga brjod nas dgag pa mang dag mdzad rjes rang lugs 'jog pa na/
phyi ma mnga' ris 'dul 'dzin la//
rgya gar brgyud pa yod par bzhed//
de yang sgrub pa'i brgyud dang ni//
bshad pa'i brgyud