[A:78] 'dzim pa shes rab 'od zer te gtsang pa gnyis so/
dang po sbo tshung tshul 'byung gi slob ma ni/ nyang 'tshams pa rin chen bla ma/
sne bo pa grags rgyal gyi slob ma ni ko khyim pa ye shes bla ma/
'dzin ('dzim) pa sher 'od kyi slob ma ni/ zhang zhung pa rgyal she dang / sog tshul khrims bla ma gnyis so/
de lta bu'i bla ma gsum gyi slob ma ni/ rgya 'dul dbang phyug tshul khrims/
rgya la bu chen ka ba bzhi ste/ 'dar 'dul 'dzin/ mtha' bzhi brtson 'grus 'bar/ jo gdan nag po dar tshul/ rma tsho byang chub rdo rje 'od/
rma tsho'i slob ma ni bya 'dul brtson 'grus 'bar/
de'i slob ma ni rtsis 'dul gzhon nu seng ge'o/
stod 'dul ni/ lo chen dang bla ma ye shes 'od kyi sku tshe'i smad la/ rgya gar shar phyogs kyi panDi ta dharma pA la spyan drangs 'dul ba'i bstan pa spel ba las/ mkhan bu pa la rnam gsum ste/ sa dhU pA la/ gu na pA la/ pradznyA pA la'o/ pradznyA pA la'i mkhan bu zhang zhung pa rgyal ba shes rab ste/ des dharma pA la nyams len dang / bram ze 'dul 'dzin pre ta ka ra la phyag len bslabs pas sgrub rgyud kyi bla ma rnam pa gnyis/
shrI dznyA na bha dra dang / shrI su bhu dhi shanati la gzung gi bshad pa gtso bor gsan pas bshad brgyud kyi bla ma gnyis so/
de ltar 'dul ba la brgyud pa gnyis yod pas stod 'dul ba rnams ni/ rgya gar nas bshad sgrub kyi brgyud pa bar ma chad pas phyag len dang bshad pa