[A:77] dang smad lugs zhes pa'i tha snyad rje btsun gong mas bshad pa med cing / sangs rgyas zhi ba ni lo chen dang phyi lo nas mjal ba'i panDi ta yin gyi/ sku tshe stod kyi bla ma gtan nas ma yin zhes sogs gsungs te/ 'di la kho bos da dung dpyad par byas nas 'di yin smra bar spro'o/
'dul ba stod lugs dang / smad lugs kyi bshad bka' lag len sogs kyang lo chen 'di'i sku ngo la dar ba yin te/ de yang smad 'dul ni/ bstan pa snga dar gyi rgyun g.yo smar gtsang gsum dang bla chen dgongs pa rab gsal la/ mi bcus sdom pa blangs te/ smad mdo khams nas dbus gtsang du rim gyis 'phel ba'i 'dul ba'i bstan pa'i rgyun 'di la grags shing / de la gzus yan chad du smad 'dul la bshad bka' cung zad ma gtogs pa cher med mod/ lo chen 'di'i sku tshe'i stod tsam la gzus rdo rje rgyal mtshan gyis 'dul ba la bshad pa rgya cher mdzad pa'i slob ma dbus gtsang pa'i gzus kyi bu chen bzhi/ de la bla ma rnam gsum/ de las rgya 'dul/ de las slob ma ka bzhi/ de las bya 'dul/ de las rtsis 'dul sogs las brgyud de bshad pa rgya cher 'phel bas so/
de dag kyang ji ltar snyam na/ mi bcu'i nang tshan klu mes kyi mkhan bu ka ba bzhir grags pa'i gru mer la mkhan bu gsum ste/ gra phyis kyi klungs legs pa'i shes rab/ gra phyis kyi skor shes rab 'byung gnas/ gzus rdo rje rgyal mtshan dang gsum mo/
gzus la bu chen bzhi ste/ sbos tshul khrims 'byung gnas/ glan tshul khrims byang chub ste dbus pa gnyis/ sne po pa grags pa rgyal mtshan dang /