[A:76] myang stod rkyang po spe dmar gyi rkyang po chos blon/ shangs kyi sum ston ye 'bar/ myang stod lce gzher/ spang kha dar chung gi gzhon nu rgya mtsho bzhi ni gtso cher lo chung gi slob ma yin/
rngog ge sar dang / zangs dkar 'phags pa shes rab gnyis ni lo chung khong gi slob ma yin no/
gnyal pa nyi ma shes rab/ smon 'gro'i mar pa rdo ye/ mnyan ston tshul 'bar/ spang tshang pa seng ge rgyal mtshan bzhi la zangs dkar gyi bu bzhi zer ro/
bsnur nyi ma 'od zer ni/ mnyal pa nyi ma shes rab kyi slob ma yin/
glan chos 'byung / rtsa skya dkon mchog grags/ dmar chos rgyal/ sgang ston shes rab 'bum bzhi ni bsnur gyi slob ma yin te/ de dag gis gtso bor rnal 'byor rgyud kyi bstan pa spel lo/
de lta bu'i yo ga'i brgyud pa la/ yo ga stod lugs dang / smad lugs zhes gnyis su grags te/ lo chen gyi sku tshe'i stod la/ sangs rgyas zhi ba la gsan pa'i yo ga'i chos lugs/ sa cha smad dbus gtsang du dar ba yo ga smad lugs dang / sku tshe'i smad la dharma pA la la gsan pa'i yo ga'i chos lugs/ stod mnga' ris su dar ba la yo ga stod lugs zhes 'jog pas so/
'di la mkhas mchog rdo rje rgyal mtshan gyis gzhan phan 'khrul sel las/ shraddha nas brgyud pa'i kha chen mkhan po'i lugs dang / dha rma pa la la gsan pa'i rgya gar shar phyogs pa'i lugs zhes pa'i tha snyad 'thad kyi yo ga stod lugs