[A:74]shes bzang po las rab tu byung bar khong rang gi dngos slob khri tha dznyA nas bkod pa'i rnam thar na yod ces bshad pas/ de gnyis mkhan po gcig par sems te/ mkhan po ye shes bzang po'i mtshan gyi/ ye shes zhes pa de ye shes 'od la sbyar zhing / bzang po de lo chen rin bzang la sbyar 'dug pa'i phyir snyam mo/ de lta bu'i mkhan po de yang / zhang zhung pa rgyal ba shes rab la/ 'dul ba'i sgrub brgyud kyi bla ma dharma pA la/ pre ta ka ra gnyis/ bshad brgyud kyi bla ma dznyA na shrI bha dra dang / shrI bhu su taE shan ti gnyis te bzhi yod pa'i/ dznyAn shrI bha dra ni/ ye shes dpal bzang po yin pas/ pan chen de nyid yin par sems so/
gnyis pa ngos zin nas bstan 'dzin dang dgon gnas rim par byon tshul la gnyis/ bstan 'dzin rim par byon tshul/ dgon gnas rim par byon tshul lo/
dang po ni/ 'das lo nas da lta'i shing pho byi lo'i bar la sum stong drug brgya go bdun lon pa'i tshe/ phyi dar sa mo bya nas lo bcu dgu pa me mo yos yan gyis sum stong dang brgya ru sleb cing / de yan chad du ni/ dbus gtsang mi bcus bstan pa la bya ba byas pa yin la/ sum stong brgya nas nyis brgya ma zin gyi bar la lo pan su zhig byon zhes pa nas/ sum stong drug brgya pa nas bdun brgya ma zin bar 'di la mkhas pa su zhig byon nas bstan pa la bya ba ji ltar byas snyam na/ 'di la drug yod pa'i/ dang po sum stong brgya zin nas nyis brgyar ma slebs kyi bar 'di la/ rgya lba'i bstan pa sprin med kyi mkha' la rgyu skar gyi tshogs bkra ba lta bu zhig dar ba yin te/ de yang