[A:75] 'brog mi nas brgyud pa'i lam 'bras/ mar pa nas brgyud pa'i bka' brgyud/ 'brom nas brgyud pa'i bka' gdams/ dam pa nas brgyud pa'i zhi byed/ khyung po nas brgyud pa'i ni gu/ rmangs ra ser po nas brgyud pa'i pho gcod/ ma gcig nas brgyud pa'i mo gcod skor dang bcas pa'i phyi dar nyid la lhag tu 'phel ba'i gdams pa'i sgo chen po drug/ lo chen nas brgyud pa'i yo ga'i chos skor dang bcas pa bdun dar/
gzhan yang bde kye gsang gsum/ dus 'khor 'jigs byed de/ bla med kyi rgyud sde chen po lnga'i rgyud bshad man ngag khrid rim sogs deng sang bod na grags pa'i phal po che zhig dus de tsam nas brtsam ste dar ba yin no/ zhes khong du chud par bya'o/
de yang sum stong brgya pa'i skabs su thog mar byon pa'i mkhas pa chen po bka' drin che ba ni/ lo chen rin chen bzang po ste/ sum stong brgya dang gsum du sleb pa'i lcags pho rta
spyi lo 970
lor/ lo chen rin chen bzang po bltams/ lo 'di phyi dar sa mo bya nas nyer gcig 'das pa'i nyer gnyis pa yin/ 'di nas deng sang bar la lnga brgya dang go lnga lon no/
lo chen 'di la slob ma mang du yod kyang / lo chung legs pa'i shes rab/ gur shing brtson 'grus rgyal mtshan/ grab pa gzhon nu shes rab/ gyi nor dznyA na dang bzhi la thugs kyi sras bzhi zer/
pu rangs pa an ston grags rin/ rgya ye tshul/ dgung pa dge bshes/ mar yul ba dkon mchog rtsegs bzhi ni/ lo chen dang lo chung gnyis ka'i slob ma yin/