[A:73] mkhas mchog de yis sngon med pa'i// chos rnams phal cher bsgyur cing zhus// zhes sogs kyis/ bstan pa phyi dar gyi sgo/ rgyal po lha bla ma ye shes 'od dang / lo tsA ba rin chen bzang po nas ngos bzung ba ni/ bstan pa'i me ro smad nas bslangs te/ stod mnga' ris nas shin tu dar ba 'di la dgongs so/ zhes kho bos legs par bshad pa yin te/ gzhan du na 'di'i gong du yang mi bcu slob bu sbyin bdag dad ldan dang bcas pas bstan pa'i bya ba rgya cher bsgrubs zin pa dang 'gal ba'i phyir ro/ 'di ma byon gong du bstan pa gzugs brnyan tsam las bstan pa med ces kyang brjod par mi nus te/ de yan chad du dge slong bzhis 'ongs pa'i dge 'dun gyi sde dang / de dag gi rgyud so sor thar pa'i bslab bya rnam par dag pa dang / rab byung bsnyen rdzogs kyi las kyi cho ga'i lag len sogs yod pas/ lung rtogs kyi bstan pa dang bstan 'dzin gyi skyes bu gsum ka tshang ba'i phyir ro/ des na lha bla ma rab tu byung ba'i me pho 'brug gi lo 'di/ bstan pa phyi dar shin tu dar zhing rgyas par byed pa'i lo dus kyi thog ma yin par lung rigs kyis grub la/ lo 'di ni 'das lo nas sum stong brgya dang bzhi bcu rtsa brgyad 'das pa'i rtsa dgu pa
spyi lo 1016
yin no/ 'o na 'di rab tu 'byin pa'i mkhan po su zhig snyam na/ deb sngon sogs las/ de'i tshe bstan pa med pas lha bla ma yab sras gsum rang rtags rang gis blangs nas dkon mchog gi drung du phul/ rab tu byung zhes bshad pa ni mi 'thad par sems te/ de'i tshe phyi dar sa mo bya nas kyang lo brgyad cu rtsa brgyad lon pas bstan pa shin tu yod pa'i phyir ro/ de bas na kho bo ni/ deb sngon rang nyid las/ lo chen rin bzang lo bcu gsum lon pa'i tshe/ mkhan po ye