[A:72]〔dpal〕 'khor lde rab tu byung ba'i mtshan ni/ lha bla ma ye shes 'od ces bya ste/ des na/ rje dpal 'khor btsan nas/ ye shes 'od 'di ma byon bar la/ bod 'dir gtsug lag khang dang / glegs bam dang / dge 'dun gyi sde dang / bshad nyan sgom sgrub sogs cung zad 'phel yang / lung rigs rnam dag gis dpyad mi bzod pa'i/ dge tshul chu gtor ma dang bsnyen rdogs der bas ma sogs dang / gnad kyis ma zin pa'i sbyor sgrol lam byed sogs/ ltar snang gi chos tshul mang po'i sprin gyis bsgribs pas sprin med kyi bstan pa rnal ma dar ba ni ma yin la/ bstan pa'i me ro cung zad gsos btab pa ni yin no/
ye shes 'od 'di rab tu byung / lo chen rin bzang sogs kyis 'phags yul nas gsar ma'i 'gyur mgo btsugs te/ bshad sgrub kyi bstan pa lung rigs kyis gtan la phab pa ni/ phyi dar rgyal ba'i bstan pa shin tu dar ba'i mgo btsugs pa yin no/ don 'di la dgongs nas/ chos la 'jug pa'i sgo las/ 'od srungs nas brtsams te de yan chad ni/ gangs can 'di na gtsug lag khang dang glegs bam bzhugs mod/ bshad pa'i bka' nyams pas gzu lum du ma byung ste/ sangs rgyas kyi bstan pa'i gzugs brnyan la spyod pa yin no/ de nas 'dir bstan pa rgyas shing dag par bya ba'i phyir/ byang chub sems dpa' thugs rje dang smon lam gyi stobs can zhig sa'i bdag po bkra shis mgon gyi sras su sku bltams pa ni/ zhes sogs dang rab dbye las/ de tshe bla ma ye shes 'od// chos rgyal de yis skyes bu mchog// rin chen bzang po kha cher brdzangs// 'jam pa'i dbyangs kyis byin rlabs pa'i//