[A:71] chu pho 'brug gi lo la yab mched so sor gyes te/ lde gsum pos grom pa lha rtser gdan phab ste gtsang phyogs la mnga' mdzad pas smad kyi lde gsum grags te/
de yang dpal lde'i rgyud kyis zam pa gsum la dbang mdzad pa ni/ lha rtse'i nas zam sngon mo/ gling bu'i sha zam dmar mo/ mang nyul gyi gser zam ser po'o/
'od lde'i rgyud kyis lho sgo gsum la dbang mdzad pa ni/ drin dang mnya' nas rdzas kyi sgo/ bud mkhar ra shing gi sgo/ zar stag sna rtsod kyi sgo'o/
skyid lde'i rgyud kyis byang gi mdzod gsum la dbang mdzad pa ni/ byang g.yu mtsho sngon mo tshwa'i mdzod/ byang kha sna brgyad sha'i mdzod/ gu lang go po gser gyi mdzod/ ces grags pa'o/
mgon gsum po stod du 'chugs te/ pu rang / zhang zhung / mar (mang) yul gsum du so sor gdan chags pa ni/ stod kyi mgon gsum du grags so/
de ltar yab mched gyes pa'i chu pho 'brug lo de/ 'das lo nas sum stong brgya dang nyer lnga pa
spyi lo 992
dang / phyi dar sa mo bya nas bzhi bcu rtsa bzhi pa yin no/
stod kyi mgon gsum gyi nang tshan bla ma dam pa'i gsung ngag chos 'byung ngo mtshar snang ba na bkra shis mgon gyi sras 'od kyi rgyal mtshan/ de'i sras 'khor re dang srong nge gnyis zer ba'ang mdzad 'dug
/ bkra shis mgon gyi sras khri lde srong nge dang / khri dpal 'khor lde gnyis byung ba'i/ khri