[A:67] par
spyi lo 904
bshad pa yin pas/ lo de nyid la khong gis rgyal srid kyang bzung / bstan pa la rma phyung ba'i lcags bya nas drug cu rtsa lnga lon/ de nas lo bcu bzhi pa sa pho stag la mi bcus dbus bsam yas su byon nas bstan pa'i mgo btsugs so/ de tsam la dgongs nas 'brom ston pas kyang phyi dar gyi mgo sa pho stag nas bzung ba yin no/ zhes shes par bya'o/ de'i tshe mi bcus gnas gzhi gsar du ma tshugs kyang rab byung bsnyen rdzogs kyi mgo tsam tshugs pas phyi dar gyi dbu brnyes zhes bya'o
de'i tshe rgyal po yum brtan gyi rgyud pa mnga' bdag ye shes rgyal mtshan gyis bstan pa'i bdag skyen cher mdzad pas/ bstan pa'i me ro smad nas bslangs pa la khri ye shes rgyal mtshan bka' drin che bar grags so/
de ltar na rgyal po de nyid kyi bka' drin dang / dbus gtsang mi bcu'i bka' drin las bstan pa dar ba yin mod/ mi bcus sdom pa blangs pa'i yul/ bla ma chen po nyid la thug pa dang / grum ye shes rgyal mtshan las blangs zer ba dang / 'tshur shes rab mchog las blangs zer ba'i lugs gsum byung ba las/ dang po ni snga ma ltar bu ston lugs te/ mi bcus bla chen la mkhan po zhus pas/ kho bos bsnyen par rdzogs nas lo lnga las ma lon pas mi rung gsung ba las/ gtsang na re/ dmigs bsal la btub lung (lugs) las/ bla chen gyis mkhan po mdzad gsungs te/ de lta bu'i dmigs bsal gyi khungs gsal po btsal dgos so/ de yang mdo rtsa las/ bsnyen par rdzogs nas lo lnga lon zhing / lhan cig sbyar ba tha ma dang ldan na