[A:68] gnas ma bcas pa yang ljongs bsgyur rung ngo zhes pa 'dis thon par kho bo sems so/
rum gyi mkhan po su yin snyam na kha cig/ bla chen spang gong ye shes g.yung drung / grum ye shes rgyal mtshan/ de nas klu mes sogs yin zer/ 'ga' zhig zhi 'tsho/ rba ratna/ g.yo dge 'byung / bla chen/ sgro manydzu shrI/ grum ye shes rgyal mtshan/ klu mes zhes zer ro/
rgyal po rabs 'phreng las/ bla chen gyis/ khams kyi sog po mi drug la sdom pa phog/ de'i nang tshan btsun chen sher 'byung gis grum la/ des klu mes sogs la phog zer/ sog po mi drug ni/ spang gong (gor) ye shes g.yung drung dang / sar gnas bstan grags gnyis te spang gsar gnyis/ 'al pa rdo rje dbang phyug/ bsnubs dpal gyi dbang phyug gnyis te 'al bsnubs gnyis/ ja pa grags pa dang / btsun chen shes rab 'byung gnas gnyis te/ ja btsun gnyis so/
lugs gsum pa/ deb sngon las/ bla chen shing pho byi lo bltams/ g.yo dmar gtsang gsum las bsnyen par rdzogs/ go ring seng ge grags la 'dul ba gsan/ skyi rgya la'i gtsug tor la dbu tshad gsan/ rnam dga' ldan byang chub la yo ga gsan/ ka 'od mchog grags pa la 'bum Tika dang mngon pa sogs gsan/ lo zhe dgu pa la dan tig tu byon so lnga bzhugs te/ brgyad cu rtsa bzhi pa shing mo phag la dga' ldan du gshegs so/ shing phag de bstan pa bsnubs pa'i lcags bya nas don lnga pa yin/ de'i mkhan po sngar gyi sog po mi drug dang / gzhan yang / gzhad dpal gyi rdo rje dang / srags