[A:66] 'das lo sum stong nga gcig lon pa bstan pa bsnubs pa'i lcags bya nas/ lo don bdun 'das pa'i don brgyad pa sa pho stag gi lo'am/
spyi lo 918
dpal 'khor btsan gyis rgyal srid bzung nas lo bcu bzhi lon pa'i sa pho stag gi tshe/ rab byung bsnyen rdzogs sogs las kyi cho ga dang / klog pa thos bsam gyi mgo tshugs pas phyi dar gyi dbu brnyes so zhes kho bo smra ste/ chos la 'jug pa'i sgo las/ rgyal po 'od srungs kyi sras dpal 'khor btsan gyi sku ring la rma lung la sogs pa gtsug lag khang brgyad brtsigs so/ de'i dus su gtsang pa mi gnyis dang / dbus pa mi gnyis mdo khams smad du byon nas sdom pa blangs te/ lo ston rdo rje dbang phyug dang / tshong ge shes rab seng ge dang / klu mes tshul khrims shes rab dang / 'bri rje yon tan rdzi dkar ba rnams te de dag gis dbus gtsang du bstan pa 'ongs so/ zhes bshad pas/ dpal 'khor btsan gyi sku'i ring la dbus gtsang du bstan pa 'ongs par ces gsar ba'i phyir dang / bstan pa 'ongs pa'i sa pho stag lo de/ 'das lo nas sum stong lnga bcu rtsa gcig pa dang / dpal 'khor btsan gyis rgyal srid bzung ba'i lo bcu bzhi pa yin pa yang / chos la 'jug pa'i sgo las/ shing mo glang gi lo la gtsang gi g.yo ru btsad po khri dpal 'khor btsan grom pa lha rtse na bzhugs nas/ yab kyi mdzad pa'i dus rtsis nas lo sum stong sum cu so bdun lon no/ zhes bshad pas shes te/ 'od srungs drug cu rtsa gsum pa shing bya'i (byi'i) lo mjug la gshegs nas/ shing glang gi lo mgo tsam la dpal 'khor btsan lo bcu gsum pa zhig gis/ grom pa lha rtser yab kyi gshegs rdzongs chos 'khor rgya cher bskor te rtsis pa na 'das lo nas sum stong lo bdun lon