[A:57]rgyal po'i ngo//
kun tu bzang po'i rnam 'phrul yin zhes grags//
de nas brgya phrag gnyis dang bcu 'das tshe//
me mo glang la srong btsan sgam po bltams//
phyag na pad mo'i rnam 'phrul yin zhes grags//
snga dar bstan pa'i srol chen de nas btod//
de nas brgya dang bcu gsum 'das pa'i tshe//
lcags pho rta la khri srong lde btsan byon//
phyag na ral gri'i rnam 'phrul yin zhes grags//
snga dar bstan pa'i dbu 'phang de nas bstod//
de nas don drug 'das pa'i me khyi'i lor//
phyag na rdo rje'i rnam 'phrul khri ral byon//
snga dar bstan pa'i dar rgyas de nas phye//
so drug lon tshe bstan pa'i nyin phyed bsgribs//
de ltar gangs can bstan pa snga dar ni//
tho tho ri nas gdung rabs lnga yi bar//
nyis brgya bcu ru bstan pa'i skya rengs shar//
srong btsan nas bzung gdung rabs lnga yi bar//
brgya dang bcu gsum bstan pa'i nyi zer 'phro//
lde btsan nas bzung gdung rabs phyed bzhi'i bar//
brgya dang bcu gcig bstan pa'i dkyil 'khor rgyas//
de ltar rab bgrang bzhi brgya so bzhi ni//
snga dar bstan pa'i nyin byed shar ba ste//
thub dbang lnga brgya phrag bcu'i bstan pa las//
'phags yul sgrub pa'i lnga brgya tha ma la//
gangs can bod kyi bstan pa snga dar byon//
bzhi brgya so bzhir bstan pa'i pad tshal bzhad//
lcags mo bya la stug po'i sprin gyis bsgribs//
brgya rtsa brgyad du mun pa'i gling du bzhugs//
'on kyang phyi dar bstan pa'i zla shel gyis//
rin gyis gsal bar byas pa 'di ngo mtshar//
gnyis pa bstan pa phyi dar gyi rnam bzhag ston pa la/ rab dbye las/ de nas dar mas bstan pa bsnubs// de rjes chos log du ma 'phel// de