[A:56]btsan gyi dus/ blo rno ba'i mchog khams pa go chas sher phyin stong phrag brgya pa thugs la bzung nas bsgyur ba'i 'bum thugs 'gyur du grags pa dang / de rjes nyang indra sU rtsi dang / sbas manydzu shrI gnyis kyis rgya dpe spyan drangs nas bsgyur ba'i rtsa 'bum du grags pa sogs kyang bkas bcad dang po'o/
bkas bcad gnyis pa ni/ mnga' bdag nyang ral gyi dus/ lo tsA ba ka cog zhang gsum sogs kyis/ skad gsar bcad kyis gtan la phab ste bsgyur ba 'phags pa brgyad stong pa sogs mang dag yod de/ khri srong lde btsan nas nyang ral gyi bar bshad sgrub kyi bstan pa'am/ mdo sngags kyi bstan pa ches mchog tu dar bas/ de dus kyi bstan pa 'dra ba 'phags yul du yang ma byung ba 'dra la zhes a ti sha gsungs zhes pa yang deb sngon na bris 'dug/
bkas bcad gsum pa ni/ lo chen rin bzang man chad/ bstan pa phyi dar la byung ba yin te 'og nas 'chad do/
gang na'ang bstan pa snga dar la/ rgyal po bka' drin che ba srong btsan sgam po/ khri srong lde btsan/ khri ral pa can gsum/ panDi ta bka' drin che ba mkhan po bo dhi sa twa/ u rgyan padma/ kA ma la shI la gsum/ lo tsA ba bka' drin che ba/ thon mi/ bai ro tsa na/ ka cog zhang gsum dang lnga lags so/
thub dbang yongs 'das lo grangs stong phrag dang //
brgyad brgya dag dang nyi shu 'das pa'i tshe//
sa pho sprel lo 'phags yul rgyal po'i rigs//
bod rgyal thog ma gnya' khri btsan po byon//
de nas bdun brgya rtsa dgu 'das pa'i tshe//
me mo lug la bstan pa snga dar byon//
tho tho ri zhes grags pa'i