[A:55]rgyal mtshan dang / zhang ye shes sde la sogs pa'o/
gsum pa chos dar tshul ni/ thog mar yon tan gyi gzhi yi ge'i rigs 'di dar te/ bod kyi chos rgyal sgam po nas/ rgyal bu myang ral can gyi bar/ rgyal rabs dri med dgu byon zhing / yi ge'i mkhan po bdun (brgyad) byon la/ yi ge'i dpe yang bdun (brgyad) bkod cing / zhes pa ltar/ srong btsan nas/ nyang ral gyi bar dgu'am phyed dang bcu'i bar la/ yi ge'i mkhan po thon mi/ phyag dar/ rin chen 'bar/ chab dkar be'u rje/ cung pa dge bkog/ tshe spong byang chub/ tra shud gnyis dang dgu (gcig chad) byon zhing / yi ge'i dpe yang / sbal nag sbrad (bgrad) pa 'dra ba/ so pag (phag) gshibs pa 'dra ba/ bya pho 'jol ba 'dra ba/ nas sngon 'phying dkar steng bkram pa 'dra ba/ mu tig dar brgyus 'dra ba/ sbur nag bgrad pa 'dra ba/ nya stang dkar chu nas phyungs pa 'dra ba/ seng ge 'pho ba 'dra ba dang bdun (gcig lhag) bkod do/ chos bsgyur ba'i bod kyi skad la yang / deng sang bod du grags pa'i ming // bkas bcad yul skad 'phral skad gsum// bkas bcad la yang dang po dang // bar dang tha ma gsum mi mthun// zhes pa ltar/ chos bsgyur ba'i bod skad la/ bkas bcad rnam pa gsum byung ba'i/ bkas bcad dang po rgyal po khri srong lde btsan yan chad nas/ srong btsan sgam po man chad kyi bar la/ lo tsA ba thon mi nas/ bai ro tsa na'i bar gyi lo tsA bas bsgyur ba rnams te/ de yang lung sde bzhi dang / phal po che dang / dkon rtsegs sogs dang / sher phyogs mdo kha cig sogs/ skad gsar bcad kyis gtan la phab pa rnams so/ rgyal po khri srong lde