[A:283]yin nam min gtol med pa rnams ni 'go la yul zhes sam/ me tog ces bya ba gang la bya ba'i ming zhig bla thabs su bsnon la/ rgya gar gyi skad so na zhog cig grangs la rgya gar gyi skad bzhin du bsgyur na/ dge slong brgya phrag phyed dang bcu gsum zhes 'byung ba la sogs pa ni/ stong nyis brgya lnga bcu zhes tha mal par bod kyi lugs bzhin du bsgyur na don dang yang mi 'gal la/ bod kyi skad la yang bde bas grangs bsdom du rung ba rnams bod kyi lugs bzhin du thogs shig /sa ri dang / sam dang / u pa lta bu la sogs pa tshig gi phrad dang rgyan lta bur 'byung ba rnams bsgyur na/ don dang mthun zhing 'byor ba'i thabs ni/ yongs su zhe'am/ yang dag pa zhe'am/ nye ba zhes sgra ji bzhin du sgyur cig don lhag par snyegs pa med pa rnams ni tshig gi lhad kyis bsnan mi dgos kyi don bzhin du thoT shig rnam grangs su gtogs pa'i tshig rnams ni ma 'dogs na ming gang / bod skad du phyir gdags shing tshig tu gang bde bar gdags so/ 'doms na so sor btags pa bzhin du thogs shig sangs rgyas dang byang chub sems dpa' nyan thos la sogs pa la zhe sa dang / ko long gi tshig gi rim pa ni/ sangs rgyas la zhe sa'i tshig tu bsgyur/ gzhan ma tshig 'bring po yan chad tsam du bya ste/ sngon lha sras yab kyi spyan sngar mkhan po dang lo tsA ba mkhas pa tshogs pas/ dharma dkon mchog sprin dang / 'phags pa langkar gshegs pa bsgyur te gtan la phab pa'i lugs bzhin du sgyur cig skad kyi lugs 'di ltar bkas bcad pa las so sor nas su 'chos shing 'og tu ming gsar du 'dogs su mi gnang gi /bsgyur ba dang 'chad pa'i gra so so nas skad gsar du ming gdags dgos pa zhig na/ so so'i gra grar ming chad pa ma gdags