[A:284]par/ chos kyi gzhung dang / sgra'i lugs las ji ltar 'byung ba'i gtan tshigs dang chos la ji skad du gdags pa spyod de/ pho brang du bcom ldan 'das kyi ring lugs kyi 'dun sa dang / dharma zhu chen 'tshal ba'i grar phul la snyan du zhus te bkas bcad nas skad kyi dkar chag gi dkyus su bsnon/ gsang sngags kyi rgyud rnams gzhung gis gsang bar bya ba yin te/ snod du ma gyur pa rnams la bshad cing bstan du yang mi rung la/ bar du bsgyur zhing dpyod du gnang gis kyang / ldem po'i ngag tu bshad pa ma khrol nas/ sgra ji bzhin du 'dzin cing log par spyod pa dag kyang 'byung / sngags rgyud ni nang nas thu zhing bod skad du bsgyur ba dag kyang 'byung / zhes gdags kyi/ phyin chad gzungs sngags dang / bla nas bka' stsal te bsgyur du bcug pa ma gtogs pa sngags kyi rgyud dang / sngags kyi tshig thu zhing bsgyur du mi snang ngo / /
zhes gsungs pa ltar de ltar sngar dar gyi skabs su sgra'i yig cha byung ba ni/ lo tsA ba lce khyi 'brug gis sgra'i gnas brgyad pa rtsa 'grel/ lo tsA ba spyis thun mong du bye brag rtogs byed che 'bring chung gsum sgra sbyor bam po gnyis pa sogs so/ /
de dag gi rjes su zhugs nas bstan pa phyi dar gyi skabs su lo tsA ba rnams kyi mchog rin chen bzang po dang / blo ldan shes rab la sogs pas kyang gtso bor lo tsA ba rnams kyi brda chad las ma g.yos shing / cung zad bcos pa gnyi zla la nyi zla dang / bstan chos la bstan bcos dang / stug po la mthug po la sogs pa yod do/ /
de ltar brda gsar rnying gi bye brag rnam par 'byed tshul yang / dbus